समाचार

हाम्रो लिपुलेक फिर्ता दे तेरो प्रचण्ड लैजा भन्दै अनेरास्ववियूको प्रदर्शन

काठमाडौं । नेपाल कम्युनिष्ट पार्टीको प्रचण्ड-नेपाल समूहका अध्यक्ष पुष्पमकल दाहालले हालै एक अन्तरवार्तामा दिएको अभिव्यक्तिलाई लिएर नेकपा ओली समूहनिकट अनेरास्ववियूले आपत्ति जनाएको छ । संगठनका कार्यकर्ताहरुले शनिबार माइतीघरमा प्रदर्शन गर्दै प्रचण्डको अभिव्यक्तिको विरोध गरे।

प्रदर्शनका क्रममा ‘प्रचण्डको नेपाली नागरिकता खारेज गर, भारत कम्फर्ट सरकार नेपालीलाई होइन दलालहरुलाई चाहिएको हो, ओली बोल्दा भारत रिसाउने प्रचण्डको काम भारत रिझाउने,हाम्रो लिपुलेक फिर्ता दे तेरो प्रचण्ड लैजा, जनताको पक्षमा बालुवाटार भारतको पक्षमा खुमलटार’ लगायत नारा लेखिएका प्लेकार्ड सहभागीले बोकेका थिए ।

हालै प्रचण्डले एक अन्तरवार्तामा आफूहरुको समूहसहित कांग्रेस र जनता समाजवादी पार्टीको गठवन्धन बने भारतका लागि सबैभन्दा कम्फर्टेबल हुने अभिव्यक्ति दिएका थिए ।

Add Comment

Click here to post a comment

You cannot copy content of this page