उत्तम आचार्य /
कञ्चनरुप (सप्तरी) , चैत १९ गते । सप्तरीको कञ्चनरुप नगरपालिका स्वास्थ्य शाखा कंचनपुरले आज बिहीबार नगरपालिका भित्रका सबै स्वास्थ्य चौकिमा कुष्ठरोग (एलपीइपी) सम्बन्धि अभिमुखिकरण कार्यक्रम सम्पन्न गरेको छ ।
सो कार्यक्रममा बोल्दै स्वास्थ्य शाखा संयोजक जनस्वास्थ्य अधिकृत रामसेवक यादवले श्वासप्रश्वासको माध्यमद्वारा एक व्यक्तिबाट अर्को व्यक्तिमा सर्ने सरुवा रोग भएकाले नियमित औषधी सेवन गरेमा कुष्ठरोगबाट बच्न सकिने बताउनुभयो । उहाँले नगरबाटै कुष्ठरोगलाई उन्मूलन गर्ने उदेश्यका साथ यो कार्यक्रमको आयोजना गरिएको समेत जानकारी गराउनुभयो ।
![](https://kanchanrupnews.com/wp-content/uploads/2021/04/165941504_450731362867268_3879057689490566663_n-1.png)
![](https://kanchanrupnews.com/wp-content/uploads/2021/04/165941504_450731362867268_3879057689490566663_n-1.png)
जिल्ला स्वास्थ्य कार्यालय सप्तरीका जनस्वास्थ्य निरीक्षक डम्बरलाल यादवले माइको ब्याक्टेरियम लेप्रे भन्ने जिवाणुबाट यो रोग सर्ने र २ वर्षदेखि २५ वर्षभित्रमा यस रोगका लक्ष्यणहरु देखा पर्ने कुराको जानकारी गराउनुभयो ।
स्वास्थ्य शाखा सह–संयोजक सिअहेव अधिकृत डम्बरप्रसाद गुप्ताले विगत १० वर्षदेखि उपचारमा रहेका १ सय ७३ जना बिरामी रहेको र रोगीको सम्पर्कमा रहेकाको परीक्षण गरी औषधी खुवाइने कुरा बताउनुभयो ।
अभिमुखिकरण कार्यक्रममा महिला स्वास्थ्य स्वयंसेवीका , स्वास्थ्यकर्मी, निर्वाचित जनप्रतिनिधिहरु, स्वास्थ्य व्यवस्थापन समितिका पदाधिकारीहरुको सहभागिता रहेको थियो भने प्रत्येक स्वास्थ्य चौकीका इन्चार्जहरुले सहजीकरण गरेका थिए ।
![](https://kanchanrupnews.com/wp-content/uploads/2021/04/166602702_200607461490251_3165632953854345281_n-1.png)
![](https://kanchanrupnews.com/wp-content/uploads/2021/04/166602702_200607461490251_3165632953854345281_n-1.png)
भोलि २० गते शुक्रवारका दिन प्राथमिक स्वास्थ्य केन्द्र कंचनपुरमा कुष्ठरोग मूलक बिरामीको सम्पर्कमा आएका व्यक्तिहरुलाई एक मात्रा रिफाम्पीसिन औषधी प्रदेश नम्बर २ का सामाजिक विकास मन्त्री नवलकिशोर साहद्वारा खुवाई एलपिइपी कार्यक्रमको शुभारम्भ गरिने स्वास्थ्य शाखाका सुरेन्द्र प्रसाद यादवले जानकारी दिनुभयो ।
अभिमुखिकरण कार्यक्रमको जिल्ला स्वास्थ्य कार्यालय सप्तरीका निमित्त प्रमुख दुनियालाल यादव सहित, स्वास्थ्य शाखाका कर्मचारी र सञ्चारकर्मी सहितको टोलिले अनुगमन निरीक्षण समेत गरिएको थियो ।
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
Add Comment