सप्तरीको रुपनगरमा हिजो हायसले अटोलाई ठक्कर दिदा एक जनाको मृत्यु, दुई घाइते

कञ्चनरुप , ५ भदौ । सप्तरीको रुपनगरमा हायसले अटोलाई ठक्कर दिदा एक जनाको मृत्यु भएको छ भने दुई जना घाइते भएका छन् ।
शुक्रबार बिहान ११ बजे सप्तरीको कञ्चनरुप नगरपालिका १२ स्थित रुपनगर चौकमा तिब्र गतिमा पूर्वबाट पश्चिम तर्फ जादै गरेको बा ५ ख ५९८२ नम्वरको हायसले अटोलाई ठक्कर दिँदा दुर्घटना भएको हो ।
दुर्घटनामा अटो चालक कञ्चनरुप –८ का ३० वर्षीय चन्दन कुमार राउतको मृत्यु भएको प्रहरीले जनाएको छ । गम्भिर घाइते भएका राउतको उपचारका लागि विराटनगर स्थित कोशी अस्पताल लैजादै गर्दा बाटोमै मृत्यु भएको इलाका प्रहरी कार्यालय कञ्चनपुरका डिएसपी लोकनाथ तिम्सिीनाले जानकारी दिनुभयो ।
यसैगरी दुर्घटनामा परि कञ्चनरुप –९ का रुपनगर बुङ्गि काउण्टरमा कार्यरत ४४ वर्षीय अरुण कार्की गम्भिर घाइते भएका छन । उनको विराटनगर स्थित कोशी अस्पतामा उपचार भइरहेको प्रहरीले जनाएको छ ।
३६ वर्षीय अटो चालक सन्तोष कुमार श्रेष्ठ भने सामान्य घाइते भएको र उनको कृति सामुयाकि अस्पतामा सामान्य उपचार पछि डिस्चार्ज गरिएको छ ।
चलकसहित हायस तथा अटो रिक्सालाई प्रहरीले नियन्त्रणमा लिएको इलाका प्रहरी कार्यालय कञ्चनपुरले जनाएको छ ।