काठमाडौँ । देशभर थप १ हजार ९ सय २० जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ९ हजार ४ सय ४३ वटा नमुनाको पिसिआर विधिबाट परिक्षण गर्दा १ हजार ७ सय २ जना तथा ३ हजार ७३ वटा नमुनाको एन्टिजेन्ट विधिबाट परिक्षण गर्दा २ सय १८ जना गरी जम्मा १ हजार ९ सय २० जनामा संक्रमण पुष्टि भएको हो ।
पछिल्लो २४ घण्टामा थप २ हजार २ सय ४८ जना कोरोना सङ्क्रमणमुक्त भएका छन् ।
आज कोरोना सङ्क्रमणबाट २४ जनाको मृत्यु भएको छ । यो सँगै कोरोना सङ्क्रमणबाट मृत्यु हुनेको सङ्ख्या १० हजार ५ सय ९ जना पुगेको छ ।
अहिलेसम्म नेपालमा कोरोना भाइरसबाट पिसिआर विधिबाट गरिएका परीक्षणमा ७ लाख ४७ हजार ४ सय ३३ र एन्टिजेन्ट परीक्षणबाट ८० हजार २ सय ९ जना गरी ८ लाख २७ हजार ६ सय ४२ जना संक्रमित भएका हुन ।
Add Comment