आज थप १ हजार ८९ जनामा कोरोना संक्रमण पुष्टि , २० जनाको मृत्यु

काठमाडौँ । नेपालमा आज थप १ हजार ८९ जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ५ हजार १ सय ७० वटा नमुनाको पिसिआर विधिबाट परिक्षण गर्दा ९ सय ७६ जना तथा २ हजार ८ सय १ वटा नमुनाको एन्टीजेन विधिबाट परिक्षण गर्दा १ सय १३ जना गरी जम्मा १ हजार ८९ जनामा संक्रमण पुष्टि भएको हो ।
पछिल्लो २४ घण्टामा १ हजार ५ सय ३४ जना कोरोना सङ्क्रमणमुक्त भएका छन् ।
त्यस्तै कोरोना सङ्क्रमणबाट थप २० जनाको मृत्यु भएको छ । यो सँगै कोरोना सङ्क्रमणबाट मृत्यु हुनेको सङ्ख्या १० हजार ८ सय ३८ जना पुगेको छ ।
देशभर ३१ हजार २ सय ४८ जना सक्रिय सङ्क्रमित रहेको मन्त्रालयले जनाएको छ ।