यस वर्षको एसइई वैशाखमा तथा कक्षा १२ को परीक्षा जेठमा

काठमाडौँ । यस वर्षको माध्यमिक शिक्षा परीक्षा अर्थात् एसइई आगामी वैशाखमा गर्ने गरी तयारी सुरु गरेको राष्ट्रिय परीक्षा बोर्डले जनाएको छ । बोर्डले वैशाखमा एसइई परीक्षा सञ्चालन गर्ने र सो परीक्षा सम्पन्न गरेर जेठमा कक्षा १२ को परीक्षा सञ्चालन गर्ने तयारी गरेको हो ।
एसइई वैशाखमा र कक्षा १२ को परीक्षा जेठमा सञ्चालन गर्ने बोर्डले निर्णय गर्दै तयारी सुरु गरेकाले परीक्षाको तयारीमा रहन विद्यार्थीलाई आग्रह गरिएको छ ।
बोर्डले परीक्षा तालिका भने केही दिनपछि सार्वजनिक गर्ने तयारी गरेको जनाएको छ ।