बृजमान तामाङ /
बिरेन्द्र बजार, २७ माघ । सप्तरीको सप्तकोशी नगरपालिका ८ मा अबस्थित श्री नन्द उमापब्लिक माध्यमिक विद्यालय ओद्राहाको नवनिर्मित चारकोठे भवनको उद्घाटन गरिएको छ ।
सप्तरी निर्वाचन क्षेत्र नम्बर १ का सांसद डा. सूर्य नारायण यादवले विहिबार आयोजित एक समारोहका बिच विद्यालयको भवन उद्घाटन गरेको हो । विद्यालय ब्यबस्थापन समितीका अध्यक्ष महेश लुईटेलको अध्यक्षतामा आयोजित कार्यक्रममा साँसद डा. यादवले रिवन काटेर भवन उद्घाटन गरे ।
भवन उद्घाटन कार्यक्रममा सप्तकोशी नगरपालिकाका प्रमुख उत्तम गौतम, वडा नम्बर ८ का अध्यक्ष केदार प्रसाद साह, ९ का अध्यक्ष चन्द्र नारायण यादव, जसपा प्रदेश सदस्य उमेश यादव,नगर अध्यक्ष राम कुमार यादव, उपाध्यक्ष रमेश लाल कर्ण, रामसुन्दर यादव, रविन्द्र चौधरी ऎजाद सिद्विकी लगायतकाले शुभकामना मनतब्य व्यक्त गरे ।
शिक्षक देबकान्त चौधरीद्वारा संचालित कार्यक्रममा स्वागत प्रधानाध्यापक कप्लेश्वर यादवले गरे । उक्त भवन साँसद डा. सूर्य नारायण यादवको संसदीय विकास कोषको ७० लाख बजेटबाट निर्माण भएको विद्यालयले जनाएको छ ।
Add Comment