थप १ हजार १२८ जना कोरोनाका संक्रमित थपिए, १४ जनाको मृत्यु

काठमाडौँ । देशभर आज थप १ हजार १ सय २८ जना कोरोनाका संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार २० हजार ९ सय ८९ जनामा परिक्षण गर्दा उक्त संक्रमण पुष्टि भएको हो ।
योसंगै कुल संक्रमितको संख्या ९ लाख ७२ हजार १४१ पुगेको मन्त्रालयले जनाएको छ ।
आज थप २ हजार २ सय १५ जना संक्रमणमुक्त भएका छन् । हालसम्म ९ लाख ३२ हजार ८ सय २२ जना संक्रमणमुक्त भएका छन् ।
कोरोना संक्रमणबाट आज थप १४ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ८ सय ७८ पुगेको छ ।