देशभर १ सय ११ जना कोरोना संक्रमित थपिए ,४ सय १५ जना संक्रमणमुक्त

काठमाडौँ, १५ फागुन। आज देशभर १ सय ११ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार ९ हजार ७ सय १० जनामा परिक्षण गर्दा उक्त संक्रमण पुष्टि भएको हो ।
योसंगै कुल संक्रमितको संख्या ९ लाख ७६ हजार ८ सय ८२ पुगेको स्वास्थ्य मन्त्रालयले जनाएको छ ।
त्यस्तै, आज ४ सय १५ जना संक्रमणमुक्त भएका छन् । नेपालमा हालसम्म ९ लाख ५६ हजार ४ सय १३ जना संक्रमणमुक्त भएका छन् ।
संक्रमणबाट आज थप एक जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ११ हजार ९ सय ३५ पुगेको मन्त्रालयले जनाएको छ । देशभर कोरोनाका ८ हजार ५ सय १७ जना सक्रिय संक्रमित रहेका छन् ।