नेपाली काँग्रेस सप्तरीको सभापतिमा रामदेव साह विजयी

कञ्चनरुप(सप्तरी), २६ फागुन । नेपाली काँग्रेस सप्तरीको सभापतिमा रामदेव साह विजयी हुनुभएको छ । निकटतम प्रतिद्वन्दी शत्रुधन प्रसाद यादवलाई १ सय १६ मतान्तरले पराजित गर्दै साह विजयी हुनु भएको हो ।
मंगलबार भएको निर्वाचनको बिहीबार साँझ सम्पन्न मतगणना अनुसार साहले १ हजार १ सय ८६ मत प्राप्त गर्नुभएको छ भने यादवले १ हजार ७० मत प्राप्त गर्नुभएको छ ।
सभापतिमा निर्वाचित साह कोइराला पक्षका तथा पराजित यादव संस्थापन पक्षका उम्मेदवार हुन् ।
काँग्रेस सप्तरीको कुल २ हजार ५ सय ३५ मतदाता छन् । जसमध्ये २ हजार ३ सय ४२ जनाले मतदान गरेका थिए ।