डम्बर राई
कञ्चनरुप । नेपाल कम्युनिष्ट पार्टी एमाले कञ्चनरुप १२ नम्बर वडा कमिटीमा कार्य विभाजन तथा विभिन्न जनवर्गिय संगठनसंगै टोल कमिटी गठन धमाधम हुँदैछ ।
टोल कमिटी गठन गर्नेक्रममा मंगलवार बस्तीपुर माझटोलमा शंकर नारायण श्रेष्ठको अध्यक्षतामा नौ सदस्य टोल कमिटी गठन भएको हो । उपाध्यक्ष, सचिव र सदस्यहरुमा क्रमशः दिपक श्रेष्ठ, टीका श्रेष्ठ, पवित्रा मगर, मैया श्रेष्ठ, निर्मला श्रेष्ठ, कविता मगर, अम्बिका भूजेल, बुफा राई रहेको वडा अध्यक्ष दिल बहादुर थापा संतोषले जानकारी दिए ।
थापाको अनुसार, वडामा यस अघि युवा संघ, महिला संघ गठनका लागि सचिवालय सदस्यबाट नेतृत्व चयन गरिसकेको छ भने कार्य विभाजन गरेको छ । संगठन विभाग, प्रचार प्रसार, स्कुल, युवा र महिला संगठन विभाग गठन भइसकेको छ ।
साथै सचिवालय कमिटी गठनसंगै वडा कमिटीको सदस्य रहेको मोहन श्रेष्ठ नगर कमिटीमा समावेश भएपछि रिक्त स्थानमा मित्र नारायण श्रेष्ठलाई राखिएको छ । जिल्ला कमिटी सदस्यद्वय तथा प्रचार प्रसार, प्रकाशन विभाग प्रमुख डम्बर राई र शिक्षा विभाग प्रमुख पेशल जोशीको सहयोग रहेको जनाइएको छ ।
Add Comment