राजविराज, ०४ जेठ । सप्तरीको तिरुहुत गाउँपालिका अध्यक्षमा नेपाली काँग्रेसका विजय कुमार यादव निर्वाचित भएका छन ।
यादव ३ हजार ५ सय ५६ मत प्राप्त गरी विजयी भएका हुन । उनका निकटतम प्रतिद्वन्दी जनता समाजवादी पार्टीका मनोज कुमार बहडखेरलाई ६ सय २८ मतले पराजीत गरेका हुन ।
जसपाका बहडखेरले २ हजार ९ सय १८ मत प्राप्त गरेका छन । नेकपा (एमाले) का दिनेशकुमार यादवले २ हजार ७६१ मत ल्याए।
यसैगरी उपाध्यक्षमा ३१ मतको अन्तरले कांग्रेसकी विणादेबी यादवनी निर्वाचित भएकी छन्। विणादेबीले ३ हजार ५१ ल्याएर निर्वाचित हुँदा जसपाकी रामवतीदेबी मण्डलले ३ हजार २० र एमालेकी शोभाकुमारी मेहताले २ हजार ५९३ मत ल्याइन्।
यसैगरी तिरुहुत गाउँपालिकामा ५ वडा मध्ये काँग्रेसले २ जसपा २ र १ स्थानमा एमाले विजयी भएको छ । वडा नम्बर १ र ३ मा जसपा, वडा नम्बर ४ र ५ मा काँग्रेस र २ नम्बर वडामा एमाले विजयी भएको छ ।
Add Comment