राजविराज, ७ जेठ । सप्तरीको बोदे बर्साइन नगरपालिकाको नगर प्रमुखमा पुनः जनता समाजवादी पार्टी, नेपालका आतेशकुमार सिंह यादव निर्वाचित हुनुभएको छ । सिंहले ४१३ मत बढी ल्याएर पुन निर्वाचित हुनुभएको हो ।
निर्वाचित सिंहले ५ हजार ६९३ मत ल्याएर विजयी हुनुभयो । निकट्तम प्रतिद्वन्द्वी नेपाली कांग्रेसका दीपेन्द्रकुमार यादवले ५ हजार हजार २८० प्राप्त गर्नुभयो ।
स्थानीय तह २०७४ को निर्वाचनमा फोरमबाट उठ्नु भएको सिंहले ४ हजार ५४७ मत ल्याएर विजयी हुनु भएको थियो ।
उपप्रमुखमा जसपाकै रेणुकुमारी साह ५ हजार १५४ मतका साथ निर्वाचित हुनुभएको छ । निकट्तम प्रतिद्वन्द्वी नेपाली कांग्रेसकी पुनिताकुमारी साहले ४ हजार ९३६ मत ल्याउनु भएको छ ।
कुल १० वडा रहेको नगरपालिकामा जसपा र कांग्रेसले ३÷३, एमालेले २ तथा माओवादी र लोसपाले १÷१ वडा अध्यक्षमा जित हासिल गरेका छन् ।
Add Comment