छिन्नमस्ता गाउँपालिकाका नवनिर्वाचित जनप्रतिनिधिहरूद्वारा शपथ तथा पदभार ग्रहण

कञ्चनरुप, १२ जेठ । सप्तरीको छिन्नमस्ता गाउँपालिकाका नवनिर्वाचित जनप्रतिनिधिले शपथ तथा पदभार ग्रहण गरेका छन् ।
नगरपालिकाद्वारा बिहीबार आयोजित एक समारोहका बीच गाउँपालिका अध्यक्ष, उपाध्यक्ष, वडाध्यक्ष तथा वडा सदस्यहरुले शपथ तथा पदभार ग्रहण गरेका हुन् ।
गाउँपालिका अध्यक्ष विद्यानन्द चौधरीले नवनिर्वाचित उपाध्यक्ष राजुदेवी यादव तथा गाउँपालिकाका ७ वटै वडाका जनप्रतिनिधिहरूलाई शपथ तथा पदभार ग्रहण गराएका थिए ।

सो अवसरमा बोल्दै अध्यक्ष चौधरीले छिन्नमस्ता गाउँपालिकाका सबै सामुदायिक विद्यालयमा अंग्रेजी माध्यमबाट पढाइ शुरु गर्ने घोषणा गरे ।
यस नगरपालिकामा लोकतान्त्रिक समाजवादी पार्टी (लोसपा) बाट पालिका अध्यक्षमा चौधरी र उपाध्यक्षमा नेकपा (माओवादी केन्द्र) की यादव निर्वाचित भएका थिए ।