उदयपुरको आम्बासीबाट लागुऔषध सहित एक युवक पक्राउ

उदयपुर, १३ श्रावण । उदयपुर प्रहरीले बेलका नगरपालिका १ आम्बासिबाट लागुऔषध सहित एक जना युवकलाई पक्राउ गरेको छ ।
पक्राउ पर्नेमा उदयपुर चौदण्डीगढी नगरपालिका ७ मदन चौक बेल्टार बस्ने ३४ बर्षीय निर्मल घिसिङ रहेका छन ।
बिहीबार अस्थाई प्रहरी बिट आम्बासीबाट खटिएको प्रहरी टोलीले पैदल आउदै गरेका घिसिङको साथबाट प्रतिबन्धित लागुऔषध फेनारगन २८ एम्पुल, डाईजोपाम २८ एम्पुल, लुपिजेसिक २८ एम्पुल बरामद गरेको हो ।
पक्राउ परेका घिसिङको ईलाका प्रहरी कार्यालय रामपुर ठोक्सिलाबाट थप अनुसन्धान भईरहेको जनाइएको छ ।