बुधबारेबाट लागुऔषध ब्राउन सुगर सहित ३ जना पक्राउ

झापा, ९ माघ । जिल्ला प्रहरी कार्यालय झापाले प्रतिबन्धित लागुऔषध ब्राउन सुगर सहित तीन जनालाई पक्राउ गरेको छ । पक्राउ पर्नेमा अटो चालक २४ वर्षीय अजय तामाङ, अटोमा सवार १९ वर्षीय संदेश राई र २० वर्षीय सन्तोष राजबंशी रहेका छन् ।
ईलाका प्रहरी कार्यालय बुधबारेबाट खटिएको प्रहरी टोलीले आइतबार साँझ झापाको बुद्धशान्ति गाउँपालिका ३ बुधबारे बजार स्थितबाट चारआलीबाट बुधबारे तर्फ आउँदै गरेको प्रदेश १–०१–००२ ह ३५६ नम्बरको अटोमा लुकाईछिपाई ल्याउदै गरेको ५ ग्राम ११० मिलिग्राम ब्राउन सुगरसहित उनीहरुलाई पक्राउ गरेको हो ।
पक्राउ परेका उनीहरुको ईलाका प्रहरी कार्यालय धुलबारे झापाबाट थप अनुसन्धान भईरहेको जनाइएको छ ।