मोटरसाईकल चोरी गरी लादै गरेको अवस्थामा बिर्तामोडबाट एक पक्राउ

झापा, फाल्गुन १३ गते । झापाको बिर्तामोडबाट मोटरसाईकल चोरीमा संलग्न रहेका एक जनालाई प्रहरीले पक्राउ गरेको छ । पक्राउ पर्नेमा रतुवामाई नगरपालिका ५ मोरङका २४ वर्षीय प्रकाश थापा रहेका छन ।
बिर्तामोड नगरपालिका ४ स्थितबाट शुक्रबार साँझ पौने ६ बजे अर्जुनधारा ५ का एकराज बुढाथोकीले पार्किङ गरी राखेको लु ८२ प १३४६ नम्वरको पल्सर मोटरसाईकल चोरी गरी लादै गरेको अवस्थामा इलाका प्रहरी कार्यलय अनारमनीबाट खटिएको प्रहरी टोलीले थापालाई मोटरसाईकल सहित पक्राउ गरेको हो ।
चोरीको मोटरसाईकल सहित पक्राउ परेका थापाको इलाका प्रहरी कार्यालय अनारमनीबाट थप अनुसन्धान भईरहेको जनाइएको छ ।