बलात्कार घटनाको आरोपितविरुद्घ उजुरी दर्ता

सप्तरी, चैत १४ गते । सप्तरीमा १७ वर्षीया दृष्टिविहिन बालिकालाई बलात्कार गरेको आरोपमा छिन्नमस्ता गाउँपालिका–३ का ३५ वर्षीय दिलिप चौधरीघविरुद्ध सोमबार जिल्ला प्रहरी कार्यालयले उजुरी दर्ता गरेको छ ।
आरोपितले बलात्कार गरेको भन्दै पीडितकी आमाले जिल्ला प्रहरी कार्यालयमा चैत ३ गते उजुरी दिएकी थिइन् ।
पीडितको स्वास्थ्य परीक्षण गजेन्द्रनारायण सिंह अस्पतालमा चैत ३ गते भयो । आरोपितले ०७९ पुस ११ गते ललाइफकाई बालिकालाई राजविराज नगरपालिका–११ स्थित आशिया पार्टी प्यालेसमा लगेर बलात्कार गरेको पीडितकी आमाले बताइन् ।
आरोपित हालसम्म गिरफ्तार भएका छैनन् । आरोपितविरुद्ध पक्राउ पुर्जी जारी भएर खोजी कार्य भइरहेको जिल्ला प्रहरी कार्यालयका इन्स्पेक्टर राजिब गिरीले बताए ।