धरानमा गोली प्रहार गरी एक युवकको हत्या

सुनसरी । सुनसरीको धरान–तरहरा सडक खण्डको सेउती पुलमा गोली प्रहार गरी एक जनाको हत्या गरिएको छ । शुक्रबार विराटनगर महानगरपालिका ५ का २८ वर्षीय रोहित चौधरीको हत्या भएको हो । घाइते चौधरीको उपचारका क्रममा विपी प्रतिष्ठानमा मृत्यु भएको जनाइएको छ ।
चौधरीलाई लुटेरा समूहले गोली प्रहार गरेको प्रहरीले बताएको छ । उनको साथमा भएको रकम र मोबाइल पनि लुटिएको बताइएको छ ।
उनको दाहिने कोखमा गोली लागेको सुनसरी प्रहरीले जानकारी दिएको छ । घटनाको अनुसन्धान भइरहेको र गोली प्रहार गर्नेको खोजी कार्य जारी रहेको प्रहरीले जनाएको छ ।