बिराटनगर, १६ साउन । कोशी प्रदेशको मुख्यमन्त्रीमा पुन कांग्रेस संसदीय दलका नेता उद्धव थापा नियुक्त भएका छन ।
प्रदेश प्रमुख परशुराम खापुङले थापालाई मंगलबार साँझ संविधानको धारा १६८ (२) अनुसार नियुक्त गरेका हुन् ।
मंगलबार नै पौने ५ बजे थापाले प्रदेशसभाका ४७ सदस्यको आफूलाई समर्थन रहेको भन्दै प्रदेश प्रमुख समक्ष दाबी पेश गरेका थिए ।
थापा नेपाली कांग्रेसका २९, नेकपा (माओवादी केन्द्र)का १३, नेकपा (एकीकृत समाजवादी) का चार र जसपाका एक सांसदको समर्थनमा मुख्यमन्त्रीमा नियुक्त भएका हुन् ।
मुख्यमन्त्रीमा नियुक्त थापाको पद तथा गोपनीयताको शपथ भोलि (बुधबार) बिहान १०ः३० बजे हुने बताइएको छ ।
Add Comment