जिल्ला प्रशासन कार्यालयको नाममा रहेको अतिक्रमित जग्गा सात दिन भित्र खाली गर्न आग्रह

कञ्चनरुप, २१ श्रावण । जिल्ला प्रशासन कार्यालय सप्तरीको अतिक्रमित जग्गा सात दिन भित्र खाली गर्न आग्रह गरिएको छ ।
जिल्ला प्रशासन कार्यालय, सप्तरीले आइतबार एक सुचना जारी गर्दै राजविराज नगरपालिका वडा नम्बर ७ स्थित अतिक्रमण गरिएको जग्गा ७ दिनभित्र खाली गर्न आग्रह गरेको हो ।
राजबिराज नगरपालिका वडा नम्बर ७ मा अवस्थित जिल्ला प्रशासन कार्यालयको नाममा रहेको जग्गामा अतिक्रमण गरी टहरा निर्माण गरी र हटिया समेत संचालनमा गरेको पाईएको हुँदा उक्त जग्गामा निर्माण भएका टहराहरु लगायत अन्य संरचनाहरु स्थानीय प्रशासन ऐन २०२८ बमोजिम ७ (सात) दिन भित्र हटाउन सूचनामा भनिएको छ ।
अतिक्रमण नहटाइए नियमानुसार कार्वाही गर्ने सहायक प्रमुख जिल्ला अधिकारी लेवन काश्यप अधिकारीले जारी गरेको सूचनामा उल्लेख गरिएको छ ।