सप्तरी । नेकपा एकिकृत समाजवादीका केन्द्रीय सदस्य साधुराम चौलागाई नेकपा एमालेमा प्रवेश गरेका छन् ।
महोत्तरीको बर्दिबासमा सोमबार आयोजित कार्यक्रममा एमाले पोलिटव्युरो सदस्य सुमनराज प्याकुरेलले केन्द्रीय सदस्य चौलागाईंलगायतका नेता कार्यकर्ताहरुलाई पार्टीमा स्वागत गरेका हुन् ।
नेकपा एमाले प्रवेश गर्ने अन्य नेताहरूमा नेकपा एसका प्रदेश कमिटी सदस्य कमला वाइवा, नेकपा माओवादी केन्द्रका प्रदेश कमिटी सदस्य जिवछ चौधरी लगायत रहेका छन् ।
उनीहरुले नेकपा एस र माओवादी दुवै कम्युनिष्ट आन्दोलनबिरोधी काममा सक्रिय रहेकोले आफूहरु एमालेमा प्रवेश गरेको बताए ।
Add Comment