उदयपुरमा भैंसी चोरीको आरोपमा एक भारतीय नागरिक भैंसीसहित पक्राउ

उदयपुर । उदयपुरमा भैंसी चोरीको आरोपमा एक भारतीय नागरिक भैंसीसहित पक्राउ परेका छन् । पक्राउ पर्नेमा भारतको मधुवनीग्राम पञ्चायत लालमनियाथाना लौकाह २ का ३० वर्षीय दिपुकुमार भिमदवार यादव रहेका छन् ।
त्रियुगा नगरपालिका ५ देउरीका धुव्रबहादुर खड्काको गोठमा बाँधेको भैसी मंगलबार बेलुकी चोरी भएको थियो ।
आरोपित दिपुकुमारले अर्को गाउँमा मेरो भैंसी ७५ हजारमा किन भन्दै हिंडेका अवस्थामा इलाका प्रहरी कार्यालय जलजलेबाट खटिएको प्रहरीको टोलीले भैंसीसहित पक्राउ गरेको हो ।
यादवलाई जिल्ला अदालतबाट पाँच दिनको म्याद थप गरी अनुसन्धान प्रकृया सुरु गरिएको जिल्ला प्रहरी कार्यालय उदयपुरले जनाएको छ ।