सुनसरीबाट प्रतिबन्धित लागूऔषध गाँजासहित दुई जना पक्राउ

सुनसरी, ०१ फाल्गुन । सुनसरीबाट प्रतिबन्धित लागुऔषध गाँजासहित दुई जनालाई प्रहरीले पक्राउ गरेको छ ।
सुनसरीको बराहक्षेत्र नगरपालिका ९ स्थितबाट अवैध लागुऔषध गाँजा सहित बोलेरो चालक धरान उपमहानगरपालिका ४ का २५ वर्षीय सूर्य राई र हतुवागढी गाउँपालिका ८ भोजपुरका २७ वर्षीय लक्ष्मण राईलाई प्रहरीले नियन्त्रणमा लिएको छ ।
फागुन १ गते राती १ बजे राजाबास स्थित घाट नजिक कोशीको किनारमा देश ०१-०२-००१ ज ४०५० नम्बरको बोलेरो गाडीमा गाँजा लुकाई राखेको छ भन्ने विशेष सूचनाको आधारमा इलाका प्रहरी कार्यालय महेनद्रनगरबाट खटिएको प्रहरी टोलीले १३ बोरामा ४ सय ६ किलो ९४० ग्राम अबैध लागुऔषध गाँजा फेला पारेको हो ।
नियन्त्रणमा लिएका उनीहरुको सम्बन्धमा थप अनुसन्धान भईरहेको प्रहरीले जनाएको छ ।