कास्की । कास्कीबाट प्रहरीले लागूऔषध सहित ४ जनालाई पक्राउ गरेको छ । पक्राउ पर्नेमा पोखरा महानगरपालिका वडा नं.२ बाग्लुङ बसपार्क बस्ने वर्ष २० को कृष्ण श्रेष्ठ, जिल्ला म्याग्दी स्थायी घर भई हाल जिल्ला कास्की पोखरा महानगरपालिका वडा नं. ३ नदिपुर बस्ने वर्ष २५ को प्रदिप पुन, जिल्ला कास्की पोखरा महानगरपालिका वडा नं. ४ फिर्केपुल बस्ने वर्ष १९ को रोहित नेपाली र सोही ठाउँका गणेश टोल बस्ने वर्ष १९ को सुमित परियार रहेका छन् ।
पोखरा महानगरपालिका वडा नं.२ बाग्लुङ बसपार्क स्थितमा जिल्ला प्रहरी कार्यालय कास्की र वडा प्रहरी कार्यालय बगर कास्कीबाट खटिएको प्रहरी टोलिले मंगलबार उनीहरूलाई पक्राउ गरेको हो ।
प्रहरीले उनीहरूको साथबाट लागू औषध Tramadol Hydrochloride Cap- sules I.P. Tramol-50 लेखिएको लागूऔषध १६० चक्की र मोवाईल थान ४ सहित बरामद गरेको छ ।
उनीहरूलाई नियन्त्रणमा लिई लागू औषध सम्बन्धी मुद्दामा सम्मानित कास्की जिल्ला अदालतबाट ७ दिनको म्याद थप गरी अनुसन्धान प्रकृया अगाडी बढाईएको जिल्ला प्रहरी कार्यालय, कास्कीका सूचना अधिकारी प्रहरी नायव उपरीक्षक बसन्त कुमार शर्माले जानकारी दिनुभएको छ ।
