काठमाडौं । दार्चुलामा शुक्रबार बिहान तिर्थालु बोकेको जिप दुर्घटना हुँदा ६ जनाको मृत्यु भएको छ ।
तिर्थालु बोकेको जिप ग्वानीको बजानी नजिक सिराडको खोलामा दुर्घटना भएको र मृतकहरूको सनाखत हुन बाँकी रहेको प्रहरीले जानकारी दिएको छ ।
मालिकार्जुन धाममा लागिरहेको जात्राबाट फर्केर गोकुलेश्वर तर्फ गइरहेको म १ ज ३३८ नम्बरको बोलेरो जिप दुर्घटना भएको हो ।
जिप सडकबाट धेरै तल खसेकाले केही यात्रु घाइते भएको हुनसक्ने र रातिको समयमा दुर्घटना भएकाले उद्धार कार्यमा कठिनाइ भइरहेको प्रहरीले जनाएको छ ।
