कञ्चनरूप, ११ मंसिर । सप्तरी प्रहरीले भारतबाट अवैध रुपमा भन्सार छली तथा चोरी पैठारी गरी ल्याएको मदिरा (मामा श्री) ८ कार्टुनसहित मोटरसाईकल नियन्त्रणमा लिएको छ ।
शनिबार प्रहरी चौकी झुट्की, सप्तरीबाट खटिएको प्रहरी टोलीले गस्ती गर्ने क्रममा राजगढ गाँउपालिका वडा नं. ०२ कमलपुर सडक खण्ड स्थित भारतबाट अवैध रुपमा भन्सार छली तथा चोरी पैठारी गरी मोटरसाईकलमा बोराहरु लोड गरी ल्याउदै गरेको अवस्थामा उक्त मदिरा बरामद गरेको हो ।
प्रहरी टोलीहरुलाई देखी मोटरसाईकल सोही स्थानमा छाडी मानिसहरु भागि फरार भएकोमा वेवारिसे अवस्थामा रहेका उक्त मोटरसाईकलमा लोड गरेको बोराहरु चेकजाँच गर्दा सो बोरा भित्र अबैध मदिरा (मामा श्री) ८ कार्टुन फेला परेकोमा, ८८ हजार रुपैया बराबरको उक्त मोटरसाईकल र अबैध मदिरा मामा श्री – ८ कार्टुन सहित प्रहरी टोलीले नियन्त्रणमा लिएको जिल्ला प्रहरी कार्यालय, सप्तरीका सुचना अधिकारी प्रहरी नायव उपरीक्षक जितेन्द्र कुमार बस्नेतले जानकारी दिनुभयो ।
उक्त मोटरसाईकल र अबैध मदिरा आवश्यक कारवाहीको लागि भन्सार कार्यालय बुझाईएको जिल्ला प्रहरी कार्यालय सप्तरीले जनाएको छ ।
