बिराटनगर, मंसिर १५ गते । मोरङको रंगेलीमा ट्याक्टर अनियन्त्रित भई दुर्घटना हुँदा चालकको मृत्यु भएको छ ।
रंगेली नगरपालिका-८ स्थित भित्री सडक खण्डमा ट्याक्टर अनियन्त्रित भई दुर्घटना हुँदा ट्याक्टर चालक स्थानीय ३७ वर्षीय लाला हेमरम भन्ने प्रतु हेमरमको घटनास्थलमै मृत्यु भएको हो ।
शुक्रबार दिउँसो साढे १ बजे को. २ त ३१७२ नम्बरको ट्याक्टर आफै अनियन्त्रित भई पल्टिएर दुर्घटना हुंदा ट्याक्टरले किचिएर ट्याक्टर चालक हेमरमको घटनास्थलमै मृत्यु भएको जिल्ला प्रहरी कार्यालय मोरङले जनाएको छ ।
दुर्घटनामा परी घाईते भएका ट्याक्टरमा सवार जहदा गाँउपालिका-७ का ४५ वर्षीय मोन्सी मुर्मुको रंगेली अस्पतालमा उपचार भईरहेको छ ।
घटना सम्बन्धमा थप अनुसन्धान भईरहेको ईलाका प्रहरी कार्यालय रंगेलीले जनाएको छ ।
