विराटनगर, २४ मंसिर । मोरङमा करेन्ट लागेर ३५ वर्षीया महिलाको मृत्यु भएको छ । मृत्यु हुनेमा सुनवर्षी नगरपालिका-४ चैता की ३५ वर्षीया रेखा देवी सिंह रहेको मोरङ प्रहरीले जनाएको छ ।
आइतबार साँझ घरमा लगाएको टिनको जस्ता निकाल्ने क्रममा अचानक करेन्ट लागेर रेखा घाईते भएकी थिइन् । उनलाई रंगेली अस्पताल पुर्याउन साथ डाक्टरले मृत घोषित गरेको इलाका प्रहरी कार्यालय रंगेलीले जनाएको छ ।
घटना सम्बन्धमा आवश्यक अनुसन्धान भईरहेको प्रहरीले जनाएको छ ।
