कञ्चनरूप, १५ माघ । सप्तरीमा करेन्ट लागेर मंगलबार बिहान एक जनाको मृत्यु भएको छ । मृत्यु हुनेमा जिल्लाको अग्नीसाइर कृष्णासवरण गाउँपालिका २ भुर्कीका ४० वर्षीय संजय कुमार चौधरी रहेको सप्तरी प्रहरीले जनाएको छ ।
चौधरी मंगलबार विहान घर नजिकै बारीमा मोटरबाट पानी लगाउने क्रममा तारबाट करेन्ट लागेर सख्त घाइते भएका थिए । घाइते चौधरीको उपचारको क्रममा राजविराज अस्पतालमा मृत्यु भएको जिल्ला प्रहरी कार्यालय सप्तरीले जनाएको छ ।
मृतकको शव परिक्षणका लागि राजविराज स्थित गजेन्द्रनारायण सिंह अस्पतालमा पठाइएको तथा घटना सम्बन्धमा अनुसन्धान भइरहेको प्रहरीले जनाएको छ ।
