कञ्चनरूप, २८ फागुन । श्री विष्णु पाञ्चायन मन्दिर कञ्चनरूप-७ आदर्श टोलको १३ औं वार्षिकोत्सव भब्य रुपमा सम्पन्न भएको छ ।
बुधबार मन्दिर संरक्षण सम्बर्द्धन समितिका अध्यक्ष द्वारिका प्रसाद भट्टराईको अध्यक्षतामा तथा मधेस प्रदेशका गृह , संचार तथा कानुन मन्त्री राजकुमार लेखीको प्रमुख आतिथ्यमा वार्षिकोत्सव सम्पन्न भएको हो ।
सो कार्यक्रममा बोल्दै मन्त्री लेखिले धर्म संस्कृतिको संरक्षण भए मात्र समाजलाई रुपान्तरण गर्न सकिने बताउनुभयो ।
कञ्चनरूप नगरपालिकाकी उप प्रमुख मुनाकुमारी पोखरेलले धर्म संस्कृतिले मानिसलाई अनुशासनमा राख्ने भएकाले धर्म , संस्कृतिको संरक्षण हुनु अतिनै आवश्यक रहेको बताउनुभयो ।
१७ जना पण्डितहरुद्वारा लघु पाठ ,वेद पाठ , चण्डी पाठ , ग्रह शुक्त पाठ , देवी ,विस्णु ,शिव ,गणेश र सूर्यको शुक्त पाठ र हवन समेत गरिएको मन्दिर संरक्षण सम्बर्द्धन समितिका अध्यक्ष द्वारिका प्रसाद भट्टराईले जानकारी दिनुभयो ।
यस मन्दिर परिसरमा बिबाह , ब्रतबन्ध लगायतका कार्यक्रमहरु गर्न सुविधा सम्पन्न ठाउँको ब्यवस्था रहेको मन्दिर संरक्षण सम्बर्द्धन समितिका सह सचीव राजेन्द्र प्रसाद कोइरालाले बताउनुभयो ।
सोहि अवसरमा मन्त्री राजकुमार लेखी , उषा खान , उप प्रमुख मुनाकुमारी पोखरेल , नेकपा एमालेका केन्द्रिय सदस्य दिवाकर देवकोटा , सुमिता नेपाल , ७ नम्बर वडाका वडा अध्यक्ष शमानन्द चौधरी , संचारकर्मि उत्तम आचार्य र पूर्व शिक्षक बुद्धिशागर चौधरीलाई रामनामि ओढाएर सम्मान गरिएको थियो ।
