राजविराज, ५ चैत । सप्तरीको छिन्नमस्ता गाउँपालिका वडा नम्बर ४ लालापट्टीमा मंगलबार विहान आगलागी हुँदा लाखौंको क्षति भएको छ ।
बिजुलीको तार सर्ट भइ स्थानीय देव नारायण पण्डित, रामेश्वर पण्डित, धनराज पण्डित, जुगेश्वर पण्डितको घर तथा गोठमा आगलागी हुँदा ४ परिवारको आधादर्जन बढी घर तथा गोठ जली १८ लाख ५० हजारको धनमाल जलेर नष्ट भएको प्रहरीले जनाएको छ ।
आगलागी परि देवनारायण २, रामेश्वरको १, धनराजको १ भन्सा घर र गोठ र जुगेश्वरको १ गाई गोठ तथा खाद्यन्न, लत्ताकपडा, नगद, गरगहना, फर्निचर, पशुचौपाया,विधुतिय उपकरणसहितका सामग्री जलेर क्षति भएको जिल्ला प्रहरी कार्यालय सप्तरीले जानकारी दिएको छ ।
आगो स्थानीयबासी, नेपाल प्रहरी र सशस्त्र प्रहरीको सहयोगमा १ घण्टापछी रुपमा नियन्त्रण लिएको थियो ।
