कञ्चनरूप, ७ चैत । सप्तरीको सप्तकोसी नगरपालिका १ फत्तेपुरबाट लागुऔषध र कर छलिको विभिन्न प्रतिबन्धित औषधी सहित बुधबार साँझ एक महिला र एक पुरुष गरि दुई जना पक्राउ परेका छन्।
सप्तकोसी-१ शान्ति नगर बस्ने जय प्रकाश गुप्ताको घरमा डेरा गरि बस्ने सुनसरी जिल्ला भोक्रा नरसिंह गाउँपालिका ६ बस्ने बर्ष २६ को ममताज मिया र सुनसरी देवानगन्ज गाउँपालिका १ बस्ने बर्ष २५ कि तिलो कुमारी यादवलाई प्रहरीले प्रतिबन्धित लागूऔषध सहित पक्राउ गरेको प्रहरी चौकी फत्तेपुरका इन्चार्ज पन्नलाल चौधरीले जानकारी दिनुभयो ।
गोप्य सूचनाको आधारमा खटिएको प्रहरी चौकि फत्तेपुरको टोलिले मिया र यादब बस्ने कोठामा खान तलास गर्दा लुकाइ छिपाइ राखेको अबस्थामा लागु औषध र विभिन्न औषधि बरामद गरि इलाका प्रहरी कार्यलय कंचनपुर पठाइएको इन्चार्ज चौधरीले बताउनुभयो ।
पक्राउ परेका मिया र यादवको साथबाट नाइट्रोजन ट्याब्लेटस आइ. पि १० ग्राम लेखिएको १४ पत्तामा १ सय ४० पिस,कोडाइन फोस्फेट एण्ड ट्रापोलाइडाइन स्यारुप १०० एमएल लेखिएको बोतल ४ थान प्रतिवन्धित लागूऔषध फेला परेको इलाका प्रहरी कार्यालय कंचनपुरका प्रमुख प्रहरी नायव उपरिक्षक माधव काफ्लेले जानकारी दिनुभयो ।
उनीहरूलाई इलाका प्रहरी कार्यालय कंचनपुरको हिरासतमा राखी सप्तरी जिल्ला अदालतबाट ७ दिनको म्याद लिई अनुसन्धान अगाडि बढाइएको डिएसपी काफ्लेले बताउनुभयो ।
छिमेकी देश भारतसंग खुल्ला सिमा नाका नजिक रहेकाले फत्तेपुर लगायत आसपासका औषधी पसल किराना पसल र ब्यक्तीहरुले प्रतिबन्धित लागुऔषध, विभिन्न औषधी लगायत खाद्यान्न सामाग्री भारतबाट सस्तोमा खरिद गरि कर छलि गरि ल्याइ फत्तेपुर लगायत उदयपुरका बजारहरुमा लागुऔषध प्रयोग कर्ताहरुलाई चर्को मुल्यमा बिक्रीवितरण गर्ने गरेको स्थानीयहरु बताउछन् ।
