कञ्चनरूप, ९ चैत । नेपाल कम्युनिष्ट पार्टी ( एमाले) कञ्चनरूप ७ नम्बर वडा कमिटीकाे अध्यक्षमा तनुकलाल वरही चयन हुनुभएको छ । कञ्चनरूप-७ स्थित बन्द्राहामा शनिबार आयोजित वडा अधिवेशनले वरहीको अध्यक्षतामा १५ सदस्यीय वडा कमिटी सर्वसम्मत चयन गरेको छ ।
गठित समितिको उपाध्यक्षमा बालक चौधरी, सचिवमा राजेन्द्र प्रसाद कोइराला, सह सचिवमा क्रमश: सुशीला कार्की (महतो) र दिवाकर चौधरी चयन हुनुभएको छ । यसैगरी सदस्यहरूमा पुजन पौडेल, डोमी महतो, रामवती राम, उमेश कोइराला, विशेश्वर महतो, भोला सरदार,फूलचन चौधरी, मिश्रिलाल साह, हरि शंकर निरौला र रामचन्द्र राम चयन हुनुभएको छ ।
नव निर्वाचित वडा कमिटीलाई शुभकामना व्यक्त गर्नुहुँदै नेकपा एमालेका पोलिटव्युरो सदस्य तथा सप्तरी जिल्ला इन्चार्ज सुमनराज प्याकुरेलले कम्युनिष्ट पार्टीमा वडाको अधिवेशनको महत्वपूर्ण भूमिका रहने बताउनुभयो । उहाँले वडा पार्टीको जग भएको समेत बताउनुभयो । उहाँले भन्नुभयो, ‘वडा कमिटीले यहाँको विकासको कामको अगुवाइ गर्नुपर्छ ।’
कार्यक्रममा प्रदेश कमिटी सदस्यहरु बसन्त कुमार मिश्र, आसरा चौधरी, मोहम्मद कलिम, नगर अध्यक्ष बच्चुलाल चौधरी, नगर सचिव केवल खत्री लगायत स्थानीय नेताकार्यकर्ताहरुको सहभागिता रहेको थियाे ।
