कञ्चनरूप, ९ चैत । सप्तरी प्रहरीले १४ लाख बराबरको लत्ताकपडाहरु र टेम्पु नियन्त्रणमा लिएको छ ।
बिहीबार राति ११ बजेको समयमा प्रहरी चौकी बिसनपुर सप्तरीबाट खटिएको प्रहरी टोलीले गस्ती तथा चेक जाँच गर्ने क्रममा खडक नगरपालिका वडा नं. ८ रंजितपुर सडक खण्ड स्थितमा बोदेबर्साईनबाट बिसनपुरतर्फ आउँदै गरेको प्र.२-०१-००१ स.०९२१ नम्बरको टेम्पु चेकजाँच गर्दा उक्त टेम्पुमा भारतबाट अबैध रुपमा भन्सार छलि चोरी पैठारी गरी ल्याएको १४ लाख ९ हजार २ सय ७० रुपैया बराबरको लत्ताकपडाहरु नियन्त्रणमा लिएको हो ।
नियन्त्रणमा लिइएको लत्ताकपडाहरु र टेम्पु आवश्यक कारवाहीको लागि भन्सार कार्यालय बुझाईएको जिल्ला प्रहरी कार्यालय सप्तरीका प्रहरी नायव उपरीक्षक जितेन्द्र कुमार बस्नेतले जानकारी दिनुभयो ।
