धनकुटा, १४ चैत्र । धनकुटामा गाँजा बोकेको अटो टेम्पो सहित चालक पक्राउ परेका छन् । धनकुटाको शहिदभूमी गाउँपालिका-१ स्थितबाट लागुऔषध गाँजा बोकेको अटो टेम्पो सहित ओसार पसारमा संलग्न स्थानीय २५ वर्षीय अभिषेख बिकलाई प्रहरीले पक्राउ गरेको हो ।
बुधबार राती साढे १० बजे इलाका प्रहरी कार्यालय छिन्ताङबाट गस्तीमा खटिएको प्रहरी टोलीले चेकजाँचको क्रममा को.१ ह ९१३३ नम्वरको अटो टेम्पोमा ७ वटा बोरामा लोड गरी लादै गरेको १ सय ५ किलोग्राम गाँजा बरामद गरेको जिल्ला प्रहरी कार्यालय धनकुटाले जनाएको छ ।
गाँजा सहित पक्राउ परेका उनको आवश्यक कानूनी कारवाही तथा थप अनुसन्धान भईरहेको जनाइएको छ ।
