कञ्चनरूप, १४ चैत । पूर्वपश्चिम राजमार्ग अन्तर्गत सप्तरीको कञ्चनरुप नगरपालिका–१० स्थित बदगामामा बुधबार राति मोटरसाईकल दुर्घटना हुँदा रुपनगरका २७ वर्षीय युवकको मृत्यु भएको छ भने एक गम्भीर घाइते भएका छन् ।
दुर्घटनामा गम्भीर घाइते कञ्चनरुप नगरपालिका १२ रुपनगर बस्ने बर्ष २७ का बिक्रम बञ्जराको उपचारको क्रममा नोबेल अस्पताल विराटनगरमा मृत्यु भएको इलाका प्रहरी कार्यालय कञ्चनपुरले जनाएको छ ।
दुर्घटनामा मोटरसाइकलको पछाडि सवार सप्तरीको रुपनी गाउँपालिका. ४ बस्ने बर्ष ३४ को संतोष ईसर गम्भीर घाइते भएका छन् । उनको नोबेल अस्पताल विराटनगरमा उपचार भइरहेको छ । उनको अवस्था गम्भीर रहेको इलाका प्रहरी कार्यालय कञ्चनपुरका डीएसपी माधब काफ्लेले जानकारी दिनुभएको छ ।
पूर्व पश्चिम राजमार्ग स्थित भारदहबाट कंचनपुरतर्फ आउँदै गरेको प्रदेश २-०२-०१६ प १२५ नम्बरको मोटरसाइकल आफै अनियन्त्रित भई रोडको साईडमा पल्टन गई दुर्घटना भएको प्रहरीले जनाएको छ ।
डीएसपी काफ्लेका अनुसार दुर्घटनामा दुवै जना गम्भिर घाईते भएका थिए । उनीहरुलाई राति नै विराटनगर पठाईएको थियो । उपचारकै क्रममा बञ्जाराको मृत्यु भएको हो ।
दुर्घटना ग्रस्त मोटरसाइकल इलाका प्रहरी कार्यालय कंचनपुरमा रहेको तथा घटना बारे थप अनुसन्धान भइ रहेको प्रहरीले जनाएको छ ।
