कञ्चनरूप, १४ चैत । सप्तरीको सप्तकोशी नगरपालिका ५ गंगाजलीमा बुधवार राति ११ बजेको समयमा आगलगी हुँदा लाखौंको क्षति भएको छ ।
स्थानीय सोम प्रसाद आचार्यले गाईगोठमा बालेको आगोबाट अचानक आगलागी हुँदा तीन वटा घर जलेर नष्ट भएको इलाका प्रहरी कार्यालय कञ्चनपुरका डिएसपी माधव काफ्लेले जानकारी दिनुभयो ।
गाईगोठ र सुत्ने दुई कोठा जलेपछि १५ लाखको क्षति भएको डिएसपी काफ्लेले बताउनुभयो ।
आगो निभाउने क्रममा सोमप्रसादको हात, खुट्टा र शरीरको केहि भाग जलेपछि घाइते हुनुभएको छ ।
आगलगीबाट भैंसीको पाडा १ वटा र बाख्रा २ वटा समेत जलेर मृत्यु भएको छ ।
ईलाका प्रहरी कार्यालय कंचनपुरको टोली, स्थानियबासी र सशस्त्र प्रहरीको सहयोगमा आगलगी करिब १२ बजे पुर्ण रुपमा नियन्त्रणमा आएको थियो ।



