उदयपुर, १७ चैत्र । उदयपुरको बेलका नगरपालिका-६ स्थित खोला किनारमा वेवारीसे अवस्थामा रहेको गाँजा प्रहरीले बरामद गरेको छ ।
शनिबार विशेष सुचनाको आधारमा जिल्ला प्रहरी कार्यालय उदयपुर र इलाका प्रहरी कार्यालय रामपुर ठोक्सिलाबाट खटिएको प्रहरी गस्ती टोलीले मुर्ती खोला किनारमा बोराभित्र प्लाष्टिकमा बेरी लुकाई छिपाई राखेको ८ सय ९१ किलो ४२३ ग्राम गाँजा (३९ पोका) वेवारीसे अवस्थामा फेला पारेको जिल्ला प्रहरी कार्यालय उदयपुरले जनाएको छ ।
वरामद भएको उक्त गाँजा इलाका प्रहरी कार्यालय रामपुर ठोक्सिलामा ल्याईएको र ओसार पसारमा संलग्न व्यक्तिको खोजतलास तथा अन्य थप अनुसन्धान कार्य भईरहेको जनाइएको छ ।
यसैगरी जिल्ला प्रहरी कार्यालय उदयपुरले चेकजाँचको क्रममा दुई जना युवकलाई लागूऔषध सहित पक्राउ गरेको छ । पक्राउ पर्नेमा त्रियुगा नगरपालिका-१२ का रोहित झा र विवेक बि.क. रहेको प्रहरीले जनाएको छ ।
प्रहरीले उनीहरूको साथबाट प्रतिवन्धित लागूऔषध ट्याव्लेट ६० चक्की बरामद गरेको छ ।
