कञ्चनरूप, ११ असार । सप्तरीको कञ्चनरूप नगरपालिका वडा नम्बर ६ परेमारा स्थित फत्तेपुर कंचनपुर सडक खण्डमा स्कुटरले साइकललाई ठक्कर दिँदा साइकल यात्री घाइते भएका छन् ।
बुधबार साँझ ७:४० बजेको समयमा फत्तेपुर कंचनपुर सडक खण्डमा स्कुटरको ठक्करबाट स्थानीय ५५ वर्षीय साइकल यात्री लुटाई खंग घाइते भएका हुन ।
फत्तेपुरबाट कंचनपुर तर्फ जादै गरेको प्र१-०२ प ६१८६ नं.को स्कुटरले सोहि दिशा तर्फबाट आउँदै गरेको साइकल यात्री खंगलाई ठक्कर दिएको थियो ।
प्रहरीका अनुसार खंगको खुट्टामा चोट लागेको र उनको अवस्था सामान्य रहेको छ ।
स्कुटर चालक शम्भुनाथ नगरपालिका ९ बस्ने बिजल चौधरीको छोरा बर्ष २३ को अशोक चौधरी समेत घाइते भएका छन । उनको अनुहार र खुट्टामा चोट लागेको छ भने अवस्था मध्यम रहेको इलाका प्रहरी कार्यालय कञ्चनपुरले जानकारी दिएको छ ।
दुबै जनाको कञ्चनरूप-१२ स्थित स्थानीय धर्मेश्वर अस्पताल ठेलियामा उपचार भईरहेको प्रहरीले जनाएको छ ।
स्कुटर र साईकल प्रहरी चौकी धरमपुर (बन्द्रा) को नियन्त्रणमा रहेको छ ।
