राजविराज, ४ भदौ । सप्तरीको राजगढ गाउँपालिका वडा नम्बर ५ का वडा अध्यक्षको निधन भएको छ ।
वडा नम्बर ५ मलेकपुरका वडा अध्यक्ष दुःखीलाल भनिने देबेन्द्र साहको उपचारका क्रममा मंगलबार राति चिवनको भरतपुरस्थित क्यान्सर अस्पतालमा निधन भएको हो ।
७० वर्षीय वडा अध्यक्ष साह लामो समयदेखि क्यान्सर रोगबाट पीडित हुनुहुन्थ्यो ।
साह २०७९ साल बैशाखमा भएको स्थानीय तहको निर्वाचनमा ४९७ मत ल्याएर जनता समाजवादी पार्टी (जसपा) नेपालबाट निर्वाचित हुनुभएको थियो ।
वडा अध्यक्ष साहको निधन भएको शोकमा आज गाउँपालिकामा शोक विदा दिइएको छ ।
