कञ्चनरुप, १५ भदौ । सप्तरीको कञ्चनरुप नगरपालिका–१२, रुपनगरमामा रहेको शंकर माध्यमिक विद्यालय कास्ठमहल रुपनगरमा व्यवस्थापन समिति गठन भएको छ ।
आइतबार बसेको अभिभावकको भेलाले ४ सदस्यीय विद्यालय ब्यवस्थापन समिति सर्व सम्मत रुपमा गठन गरेको हो ।
बिधालय ब्यवस्थापन समिति छनौट सहयोग समितिको संयोजक कन्चनरुप नगरपालिका शिक्षा शाखाका शिक्षा अधिकृत प्रेम कुमार चौधरीको अध्यक्षतामा बसेको अभिभावक भेलाले महिला सदस्यमा भुवन कार्की , दलित महिला सदस्यमा बिनिता परियार, मो . ईस्लाम र लक्ष्मण यादव गरि ४ सदस्यीय विद्यालय ब्यवस्थापन समिति सर्व सम्मत रुपमा चयन गरेको हो । सर्वसम्मत रूपमा गठन गरिएको नयाँ समितिलाई विद्यालयको शैक्षिक गुणस्तर अभिवृद्धिमा योगदान पुर्याउने लक्ष्यसहित जिम्मेवारी हस्तान्तरण गरिएको छ ।
पुरुषमा ११ जना र महिलामा ४ जनाले उम्मेदवारी दिए पनि पछि सर्व सम्म्त रुपमा विद्यालय ब्यवस्थापन समिति चयन भएको विद्यालयका प्रधानाध्यापक गंगाप्रसाद साहले बताउनुभयो ।
सर्व सम्मत चयन भएका सदस्यहरुलाई १२ नम्बर वडाका वडा अध्यक्ष देवी बहादुर खत्री , शिक्षा अधिकृत प्रेमकुमार चौधरी , प्रधानाध्यापक गंगाप्रासाद साह लगायतका ब्यक्तित्वहरुले अविरको टीका लगाएर बधाई दिनुभएको थियो ।
सो कार्यक्रममा बोल्दै वडा अध्यक्ष खत्रीले नयाँ चयन भएका विद्यालय ब्यवस्थापन समितिका सदस्यहरुले विद्यालयको उन्नति, प्रगति र शिक्षाको गुणस्तरमा वृद्धि गर्न सफलता मिलोस भन्ने शुभकामना दिनुभएको थियो ।
१२ नम्बर वडाका वडा सदस्य जैनुद्दिन मियाँ , सर्वोदय माध्यमिक विद्यालय कन्चनपुरका प्रधानाध्यापक तारानन्द मल्लिक लगायतका वक्ताहरुले नयाँ चयन हुनु भएका विद्यालय ब्यवस्थापन समितिका सदस्यहरुले आगामी दिनमा विद्यालयको आर्थिक वृद्धि , भौतिक बिकासका साथै शैक्षिक गुणस्तर वृद्धि गर्न सफलता मिलोस भन्ने शुभकामना दिनुभयो ।
विद्यालयको समग्र शैक्षिक उन्नयन र व्यवस्थापनमा नवगठित समितिले महत्वपूर्ण भूमिका निर्वाह गर्ने विश्वास लिइएको छ ।
कार्यक्रम संचालन शिक्षक प्रमोद कटुवालले गर्नुभएको थियो ।
