बिराटनगर, १८ मंसिर । मोरङ प्रहरीले विराटनगरबाट स्रोत नखुलेको साढे ६ लाख रकम सहित १ जनालाई पक्राउ गरेको छ ।
बुधबार बिराटनगर महानगरपालिका-१७ मटेरुवा स्थितबाट स्रोत नखुलेको उक्त रकम सहित बिराटनगर महानगरपालिका-१८ का रवि शाहलाई प्रहरीले पक्राउ गरेको हो ।
कोशी प्रदेश प्रहरी कार्यालयको प्रादेशिक अनुसन्धान समूह (PIT) बाट खटिएको प्रहरी टोलीले चेकजाँचको क्रममा भारतबाट नेपाल तर्फ आउदै गरेको को २४ प ७९८४ नम्बरको मोटरसाईकल चालक शाहले साथमा लुकाई छिपाई राखेको स्रोत नखुलेको ६ लाख ४९ हजार ५ सय नेपाली रुपैँया सहित पक्राउ गरेको प्रहरीले जनाएको छ ।
पक्राउ परेका उनको इलाका प्रहरी कार्यालय रानीबाट आवश्यक थप अनुसन्धान भईरहेको छ ।
विज्ञापन
