गण्डक नहरमा दुई छोरासहित हाम फालेकी प्रतिमाको शव भेटियो

काठमाडौं । नवलपरासीको गण्डक नहरमा दुई छोरा लिएर हाम फालेकी आमासहित तीनै जना मृत भेटिएका छन्।
सुस्ता गाउँपालिका २ हरकपुराकी २९ वर्षीया प्रतिमा थारूले मंगलबार दिउँसो ९ वर्षीय छोरा क्रिस र ७ वर्षीय छोरा सुमितलाई लिएर गण्डक नहरमा हाम फालेकी थिइन्।
घटनास्थलदेखि एक सय मिटर तल छोराहरूको हातलाई सलले बाँधेको अवस्थामा तीनै जनाको शव फेला पारेको जिल्ला प्रहरी कार्यालय नवलपरासीले जनाएको छ ।
उनको मानसिक सन्तुलन बिग्रिएको स्थानीयले बताएका छन्। उनका श्रीमान् वैदेशिक रोजगारीमा छन्।
सो घटना बारे थप अनुसन्धान भइरहेको प्रहरीले जनाएको छ।