बाँकेमा कोरोना संक्रमणबाट एकजना महिलाको मृत्यु

काठमाडौं , ८ चैत्र । बाँकेमा कोरोना संक्रमणबाट एकजना महिलाको मृत्यु भएको छ ।
नेपालगञ्ज उपमहानगरपालिका–२१ की ६९ वर्षीया संक्रमित महिलाको भेरी अस्पतालमा उपचारको क्रममा आइतबार बिहान २ः३८ बजे मृत्यु भएको अस्पतालले जनाएको छ ।
स्वास्थ्यमा सामान्य समस्या आएपछि माघ १६ गते भेरी अस्पतालमा उनको पीसीआर परीक्षण गरिएकोमा त्यसको भोलिपल्ट कोरोना पुष्टि भएको थियो ।
कोरोना पुष्टि भएपछि कोभिड आइसोलेसनको आईसीयू कक्षमा राखेर उनको उपचार थालिएको थियो ।
योसँगै बाँकेमा कोरोनाबाट मृत्यु हुनेको संख्या ५६ पुगेको छ ।