थप २ सय ५५ जनामा कोरोना संक्रमण पुष्टि , २ जनाको मृत्यु

काठमाडौं । देशभर पछिल्लो २४ घण्टामा थप २ सय ५५ जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ६ हजार ४ सय ६९ नमूनाको पिसिआर तथा एन्टीजेन परिक्षण गर्दा २ सय ५५ जनामा संक्रमण पुष्टि भएको हो ।
आज थप २ सय ५६ संक्रमित निको भएका छन् । हालसम्म ९७.७ प्रतिशत संक्रमित निको भइसकेको मन्त्रालयको तथ्याङ्क छ ।
त्यस्तै आज थप २ जनाको संक्रमण कारण मृत्यु भएको छ । यो सँगै नेपालमा सङ्क्रमणका कारण मृत्यु हुनेको सङ्ख्या ११ हजार ५ सय २६ पुगेको छ ।
देशभर ६ हजार ९ सय ३१ जना सक्रिय संक्रमित रहेका छन् ।