आज थप १० हजार ७ सय ३ जना कोरोना संक्रमण पुष्टि ,३ जनाको मृत्यु

काठमाडौँ । नेपालमा आज थप १० हजार ७ सय ३ जना कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार १८ हजार ६ सय १८ नमूनाको पिसिआर परीक्षण गर्दा ८ हजार ८ सय १५ जना तथा ४ हजार ४ सय ७४ नमूनाको एन्टिजेन परीक्षण गर्दा १ हजार ८ सय ८८ जनामा संक्रमण पुष्टि भएको हो ।
यसैगरी आज थप ७ सय ६६ जना कोरोना संक्रमणमुक्त भएका छन् ।
त्यस्तै थप ३ जनाको मृत्यु भएको छ । नेपालमा हालसम्म मृत्यु हुनेको सङ्ख्या ११ हजार ६ सय ३५ पुगेको छ ।
देशभर हाल कोरोनाका सक्रिय सङ्क्रमितको सङ्ख्या ६५ हजार ३ सय ७४ पुगेको स्वास्थ्य मन्त्रालयले जनाएको छ