थप २ हजार ४ सय १ जनामा कोरोना संक्रमण पुष्टि , १४ जनाको मृत्यु

काठमाडौँ । आज नेपालमा थप २ हजार ४ सय १ जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार देशभर ११ हजार ६ सय ३ वटा नमुनाको पिसिआर परीक्षण गर्दा १ हजार ८ सय ५१ जनामा र ४ हजार ७ सय ५३ वटा एन्टिजेनको परीक्षण गर्दा ५ सय ५० गरी जम्मा २ हजार ४ सय १ जनामा कोरोना भाइरसको संक्रमण पुष्टि भएको हो ।
योसँगै नेपालमा कोरोना संक्रमितको कुल संख्या ११ लाख ६ हजार ६ सय १७ पुगेको छ ।
त्यस्तै आज ७ हजार ७ सय ७७ जना कोरोना सङ्क्रमणमुक्त भएका छन् । योसँगै सङ्क्रमणमुक्त हुनेको कुल संख्या ९ लाख २८ हजार ३ सय ६९ जना रहेको मन्त्रालयले जानकारी दिएको छ ।
कोरोना संक्रमणका कारण थप १४ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ११ हजार ८ सय ५२ पुगेको छ ।
हालसम्म देशभर ३० हजार २ सय ४१ जना सक्रिय संक्रमित रहेका छन् ।