प्रतिबन्धित लागुऔषध ब्राउन सुगरसहित २ जना पक्राउ

झापा, पुष २८ गते । झापाको मेचीनगरबाट प्रतिबन्धित लागुऔषध ब्राउन सुगर सहित २ जना पक्राउ परेका छन् ।
मेचीनगर नगरपालिका १ स्थितबाट बुधवार बेलुका मेचीनगर नगरपालिका १ का ३० वर्षीय शक्ति प्रधान र २२ वर्षीय सिदार्थ तामाङलाई प्रतिबन्धित लागुऔषध ब्राउन सुगर सहित प्रहरी चौकी बाहुनडाँगीबाट खटिएको प्रहरी गस्ति टोलीले पक्राउ गरेको हो ।
संकास्पद अवस्थामा हिडिरहेका उनीहरुलाई चेकजाँच गर्दा साथबाट १ ग्राम २ सय मिलिग्राम ब्राउन सुगर बरामद भएको प्रहरीले जनाएको छ ।
पक्राउ परेका दुबै जनाको इलाका प्रहरी कार्यालय काँकरभिट्टाबाट थप अनुसन्धान भईरहेको जनाइएको छ ।