सप्तरीको पोर्ताहामा बसको ठक्करबाट एक साइकल यात्रीको मृत्यु

कञ्चनरुप, ४ माघ । सप्तरीको पोर्ताहामा बसको ठक्करबाट आज एक साइकल यात्रीको मृत्यु भएको छ । मृत्यु हुनेमा साइकल यात्री हनुमाननगर कंकालिनी नगरपालिका ३ का ७० वर्षीय डम्बर भनिने सत्यनारायण विश्वास रहेका छन ।
जिल्लाको हनुमाननगर कंकालिनी नगरपालिका ३ पोर्ताहास्थित पूर्व पश्चिम राजमार्गमा बुधबार दिउँसो पूर्वबाट पश्चिम तर्फ गइरहेको ना ५ ख ६७२ नम्बरको गजराज बसले ठक्कर दिँदा साइकल यात्री विश्वासको घटना स्थलमै मृत्यु भएको इलाका प्रहरी कार्यालय कञ्चनपुरले जनाएको छ ।

मृतकको शव पोस्टमार्टमका लागि राजविराज स्थित गजेन्द्र नारायण सिंह अस्पताल लगिएको छ भने बस र चालकलाई प्रहरीले नियन्त्रणमा लिएको जनाएको छ ।
घट्नाको विरोधमा स्थानीयले २ घण्टा सडक अवरुद्ध गरेका थिए ।